IRIA FALA

Documento gráfico histórico. No paseo do Espolón, na mañá espelida dun vinteséis de abril, ao pé das estatuas de Cela e Rosalía, Brais e Xairo enfrontados, a cara de can, nunha disputa verbal aceda e inxeniosa. Compartimos este combate-canto convosco e que sirva como testemuño de que a regueifa sigue viva. Por Herbón, por Carcacía, por Padrón enteiro e por Galizia. Eís a palabra en rima.

Outro mes máis, a comunidade educativa do Cela contribuiu de modo solidario na recollida mensual de alimentos e na creación dun fondo, tamén mensual, para a compra de produtos. Desta vez foi o alumnado de valores éticos de Primeiro da ESO quen se encargou de facer a compra. E estas son as imaxes.

A poesía é unha manifestación da diversidade no diálogo, da libre circulación das ideas por medio da palabra, da creatividade e da innovación. A poesía contribúe á diversidade creativa ao cuestionar de maneira sempre renovada a forma en que usamos as palabras e as cousas, e os nosos modos de percibir e interpretar a realidade. Grazas ás súas asociacións e metáforas e á súa gramática singular, a linguaxe poética constitúe, pois, outra faceta posible do diálogo entre as culturas. A decisión de proclamar o 21 de marzo como Día Mundial da Poesía foi aprobada pola UNESCO durante o seu 30º período de sesións, que se celebrou en París en 1999. De acordo coa decisión da UNESCO, o principal obxectivo desta acción é apoiar a diversidade lingüística a través da expresión poética e dar a oportunidade ás linguas ameazadas de ser un vehículo de comunicación artística nas súas comunidades respectivas. Nós fixémolo a través de dúas accións colectivas simultáneas desenvolvidas polo alumnado de fi...

A Olimpíada é unha iniciativa que se propón o fomento e a defensa da filosofía nestes tempos en que tan minguada se está vendo, tempos nos que as novas leis educativas tenden cara a vías dominadas por unha estreita razón instrumental sen deixar apenas lugar para o pensamento crítico. O grupo de alumnado de Obradoiro de publicidade e contrapublicidade participou por primeira vez na Olimpíada filosófica de Galicia, na sección de fotografía.  A pesar do temporal estivemos alí, na Facultade de filosofía, asistindo ás sesións de defensa de dilemas morais, de disertacións, de fotografías e de vídeos producidos polo alumnado seleccionado baixo o lema UTOPÍA E REVOLUCIÓN.  Seleccionado para a exposición:   Paula Cascallar (Sinais). Seleccionada para a exposición:  Daniel Pena ("Ninguén é perfecto") Sesión de disertacións finalistas. Roteiro "Maio do 68 en Compostela". Facultade de Medicina. Pic-nic musical colectivo: Revolution, The Beatles....

Velaquí a galería de fotos que o departamento de matemáticas nos enviou para publicar nesta bitácora. Preme sobre a imaxe para acceder a ela.

Velaquí o penúltimo vídeo da serie SOLIDARI@S, unha campaña de sensibilización e visibilización da pobreza e da campaña de recollida de alimentos na que toda a comunidade educativa do Cela está a colaborar. Elas e eles dan boas razóns para seguir comprometéndose coa obriga cívica de loitar contra as desigualdades mentres a política non resolva este mal social. Os nenos e nenas son as primeiras vítimas. A nosa axuda, xestionada pola Fundación Amigos de Galicia, vai destinada a familias da nosa comarca con menores a cargo. Colabora. Doa. Este mes recollemos CACAO. 

Bases do premio O I Premio de Poesía Estratosférica é unha iniciativa de NOSA (Axencia Espacial Escolar Galega) solidariamente entre os seguintes institutos: IES Maruxa Mallo de Ordes, IES Miraflores de Oleiros e IES Marco do Camballón de Vila de Cruces. 1. Poderán concorrer ao I Premio de Poesía Estratosférica autoras e autores de calquera nacionalidade, presentando unha soa obra de temática cósmica escrita en lingua galega. 2. O premio ten catro categorías, unha por cada un dos institutos organizadores e outra libre para calquera estudante de ESO ou do Bacharelato que estea cursando estudos nalgún centro público galego, e consistirá no envío dos poemas á estratosfera dentro da cápsula MarumaSat III tras a súa lectura pública no acto do lanzamento. Se poden recuperarse, devolveranse certificados ás súas autoras ou autores e en caso de que se perdesen na viaxe certificarase unha copia exacta. Todos eles serán debidamente enmarcados antes de devolvérense ás súas autoras...