Cambiar a historia
Cambiar a historia
Obradoiro de creatividade en clave
de xénero
O martes, 20 de novembro, Esther Carrodeguas
chegou ao IES Camilo José Cela coa súa maleta acugulada de imaxinación, música,
movementos... e os artixulios máis insospeitables para estimular a capacidade
creativa e reflexiva do alumnado de primeiro de Bacharelato.
Coa vitalidade, entusiasmo e ludismo que
caracterizan a Carrodeguas, o noso alumnado abandonou o seu papel de público
para rachar a cuarta parede e asumir o protagonismo central deste obradoiro de
reflexión creativa, no que se traballou a prevención e sensibilización sobre a
violencia de xénero a través de diversos recursos artísticos e posterior foro.
Así partiron da idea de que se pode “cambiar a
historia” redebuxándoa, sobre todo a partir da implementación dunha serie de
mudanzas no noso comportamento diario para poder compoñer un “futuro”
diferente.
Desde unha metodoloxía participativa, cooperativa,
crítica, lúdica e o emprego de técnicas como os exercicios teatrais e/ou
poéticos (entendidos como poesía expandida, sexa oral, visual, obxectual etc.),
o alumnado participante interpretou, analizou e valorizou realidades e
vivencias múltiples desde a perspectiva de xénero. Unha perspectiva necesaria
para configurar un sociedade plural e inclusiva.
Velaquí unha mostra dalgunhas das creacións que
procuran visualizar, formar e concienciar en relación á violencia de xénero.
Comentarios
Publicar un comentario