IRIA FALA

  Xa vai alá o primeiro trimestre deste curso tan estraño que nos tocou vivir. Chegaron as vacacións de Nadal e no IES Camilo José Cela organizamos un concurso de postais.  Esta foi a postal gañadora, deseñada por Marta Le Pérez Boga de 1ºB de Bacharelato, coa que o instituto vos desexa un bo Nadal, cheo de emocións vellas, de esperanzas novas e de apertas virtuais.   Outras que se presentaron ao concurso...

   Un 25N diferente. O IES Camilo José Cela non quixo deixar pasar esta data sen deixar constancia da repulsa  da violencia contra a muller. O alumnado traballou con diferentes textos que nos convidan a reflexionar sobre o papel que desempeñamos, para inverter unha situación que nos afecta a todos e todas.  

    O novo curso botou a andar coa normalidade que a Covid-19 nos impuxo pero, a pesar de que este ano foi un Samaín diferente, no IES Camilo José Cela non quixemos esquecer esas datas e deixamos que o medo deambulara polos corredores.  Organizamos un concurso de "Contos de medo". Habitualmente, a entrega destes premios facíase no Salón de Actos "terrorificamente" decorado para a ocasión. A continuación os mozos e mozas lían os seus relatos, premiados ou non. Este ano tocou lelos en cadansúa aula de referencia.     Categoría  de 1º, 2º e 3ºESO  1º premio: A tumba encantada de Álex Cobas Caeiro, 1ºA de ESO    A tumba encantada       Eran as 8 e 15 da mañá cando Lía, unha rapaza de 12 anos co cabelo loiro e rizado e cuns ollos verdes, espertou mirando o reloxo que sempre tiña posto na man dereita e levantouse apresurada, xa que ía perder o autobús do colexio, porque non a espertara ninguén. Súa nai, que traballaba nunha fábrica preto da vila onde vivían fora na q