IRIA FALA

É a primeira vez que botamos man do Fondo Solidario que imos xuntando coas aportacións de alumnado e profesorado para completar o lote que doaremos periodicamente á Fundación Amigos de Galicia. Durante este curso será o alumnado de Primeiro da ESO, quen se encargue da convocatoria e recollida no CEIP Flavia, o cole de onde maioritariamente proceden. Puidemos xuntar 60 euros que invertimos en cacao e galletas, destinados a familias necesitadas da nosa comarca con menores a cargo. Velaquí están algunhas das súas opinións sobre esta primeira experiencia. Dende a Fundación Amigos de Galicia remítennos mensualmente a relación de produtos recibidos no seu almacén de Vilagarcía.

25 NOVEMBRO. POLIFONÍA DE VOCES EN CONTRA DA VIOLENCIA DE XÉNERO A mocidade do IES Camilo José Cela non quixo permanecer en silencio o Día Internacional contra a Violencia de Xénero. A súa capacidade creativa e espírito reivindicativo uníronse para tecer, a partir da conxunción das súas voces, unha clara manifestación artística en contra de calquera feito que poida magoar, mancar, ferir... a calquera individuo sen importar as súas condicións particulares. Tras a vivaz presentación de Ana e Claudia, todas as persoas presentes deixáronse levar pola extraordinaria e sentida interpretación de Carmen, Fátima e Raquel, que musicaron "Imagine" de John Lennon.  A seguir o alumnado que participa no EDLG interviu coa lectura de poemas que el mesmo escolmou a partir dunha ampla mostra de textos contra a violencia de xénero. Así Noa leu "Declaración de independencia", de Carlos Negro. Sara, "Verdade, bico ou atrevemento", de Carlos Negro. Emir, "Apenas

A lingua galega tamén é transmisora da ciencia    No marco da Semana das Ciencias, o alumnado de 2º da ESO do IES Camilo José Cela confeccionou a seguinte táboa periódica, baixo a coordinación da profesora Sonia Gey do Departamento de Física e Química.      Para complementar a táboa periódica, o alumnado de 4º de CAAP elaborou diferentes textos ao redor dos seus elementos, nos que se incluíron o nome, o símbolo e a utilidade na industria actual.    O alumnado de 3ª da ESO centrouse nas achegas á ciencia de mulleres célebres, entre as que están Lise Meitner e Mileva Marić.  

Cambiar a historia Obradoiro de creatividade en clave de xénero O martes, 20 de novembro, Esther Carrodeguas chegou ao IES Camilo José Cela coa súa maleta acugulada de imaxinación, música, movementos... e os artixulios máis insospeitables para estimular a capacidade creativa e reflexiva do alumnado de primeiro de Bacharelato. Coa vitalidade, entusiasmo e ludismo que caracterizan a Carrodeguas, o noso alumnado abandonou o seu papel de público para rachar a cuarta parede e asumir o protagonismo central deste obradoiro de reflexión creativa, no que se traballou a prevención e sensibilización sobre a violencia de xénero a través de diversos recursos artísticos e posterior foro. Así partiron da idea de que se pode “cambiar a historia” redebuxándoa, sobre todo a partir da implementación dunha serie de mudanzas no noso comportamento diario para poder compoñer un “futuro” diferente. Desde unha metodoloxía participativa, cooperativa, crítica, lúdic

Unha contada de MEDO O venres día 9 de novembro os alumnos e alumnas de 1º da ESO A e B tomaron rumbo cara ao CEIP Flavia para contarlle contos de medo ao alumnado de educación infantil. Foi unha xornada cargada de emocións, pois para boa parte deles supuña o reencontro co seu centro educativo previo e co profesorado de primaria. Tras a chegada, foron recibidos polo equipo directivo e parte do profesorado que os acompañaron ata a biblioteca, onde fixeron os últimos ensaios, se vestiron, se maquillaron... para sorprender os máis pequenos coas dramatizacións. Os contos que leron, interpretaron e mesmo representaron con monicreques foron os seguintes: Montruo ¡Sé bueno! , Gato Guille e os monstros , Un montruo , Un pesadelo no meu armario , Monstruo rosa , A visita dos troles , Carabuñas , A bruxa regañadentes , Te aseguro que los monstruos no existen , Para esconderse de un monstruo , O grúfalo e A figueira de Pelos Tortos .

Samaín 2018 O IES Camilo José Cela non quixo perder a celebración do Samaín, polo que o alumnado puxo en funcionamento a súa creatividade e dotes interpretativos para escribir, cantar, bailar… e así poder espantar os espíritos malignos. Neste ano 2018, Teo e Lara foron os encargados de conducir o encontro festivo que tivo lugar nun salón de actos ateigado da rapazada máis animada. Co propósito de crear unha atmosfera acorde co Samaín, comezouse coa lectura e entrega dos recoñecementos e galardóns a aquelas alumnas e alumnos que participaron no Concurso de Relatos de Terror que convocaron o Equipo de Dinamización da Lingua Galega e a Biblioteca do IES Camilo José Cela.                 O 2º accésit foi para “Os ladróns de carpos”, de Lucía Hermida Ramos (1º ESO B). O 1º accésit, para “Samaín terrorífico”, de Marta Veiga Rodríguez (1º ESO A). Xa entrando nos gañadores, o texto galardoado co 2º premio foi “Pesadelo en Samaín” (1º ESO A), de H