IRIA FALA

 O escritor Manuel Núñez Singala visita o noso centro para facernos reflexionar sobre a nosa língua, entendéndoa como unha riqueza patrimonial da que debemos sentir orgullo e facer uso dela en calquer contexto. Os alumnos de 4ºESO e 1º BACH foron o público deste encontro co autor no que se debateron cuestións como os prexuizos lingüísticos e a idiosincrasia galega.

Isabel Risco e Fran Rei convértense en Rosalía de Castro e Eduardo Pondal nun proxecto audiovisual que mestura humor e música e que propón unha revisión cómica de diversos aspectos que nos definen como galegos e galegas, así como dos fitos máis sobranceiros do noso patrimonio cultural. Onte achegáronse ao noso centro baixo o auspicio da Asociación Correlingua e fixéronnos a tarde do martes máis agradable e divertida. A representación foi dirixida ao todo o alumnado de 3º e 4º ESO.

   

Por fin este ano levamos a cabo unha actividade que, desde o EDLG do centro, xa tiñamos prevista desde hai tempo: nomeamos as aulas con nomes de autoras da nosa literatura! Este curso foron 12 aulas as que recibiron nome, todas as dos grupos-clase. E, ademais, nomeamos a biblioteca co nome de Rosalía de Castro e o salón de actos dedicámosllo a Xela Arias , no ano en que é homenaxeada no Día das Letras.   E para completar a celebración, o día 20 de maio acompañounos Inma López Silv a, facendo os honores e inaugurando a placa que leva o seu nome nunha das aulas. Ademais, tivemos un encontro con ela e o alumnado de 1º de Bacharelato para falar de muller, literatura e feminismo. A autora mostrouse encantada coa iniciativa. Esta iniciativa terá, por suposto, continuidade. En vindeiros cursos ampliaremos o número de aulas con nome, xa que aínda nos quedan unhas cantas... E seguiremos na tarefa de visibilizar as nosas letras e as nosas autoras.

 O pasado mércores 24 de marzo visitounos unha das principais voces novas da narrativa galega actual, Antía Yáñez. A escritora falounos da súa aclamada novela, Senlleiras . E isto deu pé a que disertara, de xeito moi ameno, sobre violencia de xénero cara á muller, expresada de moitas maneiras a través da nosa historia recente. Tamén houbo tempo para explicar o proceso de creación da novela e algúns detalles sobre os escenarios e personaxes que aparecen nela.   O alumnado de 1º de Bacharelato participou no faladoiro. Ao final, Antía prestouse a dedicar os exemplares da novela que lle levaron. Deixámosvos as fotos!

A loita pola igualdade e polos dereitos da muller é un sinal de identidade no noso centro. Este ano, como é habitual,  organizamos distintos actos e exposicións, colaborando o EDLG coa vicedirección, coa biblioteca e con moitos membros do profesorado e do alumnado. Deixámosvos  ver unha mostra!

Este ano, de novo, celebramos o Día de Rosalía, conmemorando o nacemento da nosa autora de referencia cunha iniciativa especial: repartimos plantas e versos de Rosalía. Cada alumno e cada alumna levaron unha macetiña con un pensamento e uns versos da poeta de Galicia. Como podedes ver nas fotos, o alumnado estivo encantado coa iniciativa e co xeito de facer presente a figura e a poesía de Rosalía de Castro.

 Este mes de xaneiro rematou coa celebración do Día da Paz nas canchas deportivas do IES Camilo José Cela. Un grupo de alumnas de 1º de Bacharelato, axudadas por David, o seu profe de Educación Física, agasalláronos cun baile pola paz: Houbo lectura de poemas, tamén por parte do alumnado de 1º de Bacharelato: E, por suposto, o resto da comunidade sumouse ao espectáculo!